Este foi un venres moi especial. No tempo de lecer na Biblio do cole non houbo un contavenres...
... houbo dous! Nin máis nin menos ca dous.
O primeiro correu ao cargo de alumnas de 3º. Noa, Lucía, Eva e Ale, coa axuda de Silvia, Karla e Ainoa, fixéronolo pasar moi ben escoitando "Marmelada de amorodo" de José Manuel Martos Sánchez. Resulta que había un rato chamado Papas Fritidas que odiaba o queixo e que devecía pola marmelada de amorodo. Pasámolo moi ben coa súa historia.
Despois, Alejandra, de 4 anos, impresionounos contándonos con monicreques a historia de "A Ratiña Fachendosa". Fíxoo de marabilla, cantando incluso unha canción que falaba de todos os pretendentes da ratiña. Desde logo, se segue así, xa sabemos a que se vai dedicar no seu futuro.
Parabéns a todas estas contistas! e moitísimas grazas polo voso traballo!
Ningún comentario:
Publicar un comentario