ANIMACIÓN CELTIA FIGUEIRAS. "PASANDO A BÓLA"

 

O VAMPIRO RAMIRO

 O xoves 20 de abril, achegándonos ao Día Mundial do Libro e do Dereito de Autor/a, tivemos unha animación lectora no cole que resultou estupenda.

A autora e a ilustradora do libro "O vampiro Ramiro" compartiron con nós esa historia e mesmo nos axudaron a converternos a "ilustrar o noso propio vampiro".

Foi xenial!

Moitísimas grazas! 

CONTOS DO MUNDO. GUATEMALA

 

Hoxe, 26 de xaneiro, xa moi preto do Día da Paz, tivemos unha sorpresa no cole!

María, unha rapaza da ONG Solidariedade Internacional de Galicia, falounos dun país de Centroamérica chamado Guatemala. Un país no que non hai tanta riqueza coma aquí, pero que ten cousas marabillosas.

Aquí tedes unha presentación desta actividade.

Dámoslle as grazas a María por axudarnos a coñecer mellor ese país e por ensinarnos a mirar o mundo de outra forma.

A XANELA DO MAXÍN: "TOUPICIENCIA"

O venres, 6 de maio, a gran científica "Toupiña" co seu axudante "Protonio" viñeron ao colexio e demostráronnos con experimentos sinxelos que a ciencia é moi divertida e interesante.

 

VISITA DE PACO NOGUEIRAS

 

 EN ABRIL...

CONTOS MIL!!!

Esta semana visitounos o actor, músico e narrador Paco Nogueiras.

O alumnado de laciño azul e laciño vermello disfrutou das historias contadas e cantadas por este excelente narrador e acompañadas, como sempre, da melodía do seu acordeón.

Os contos escollidos para esta sesión foron: ANIMAIS, RATOS NA ESCOLA, ELMER, E QUEN É ESE BECHO?