CONTAMÉRCORES: PETE O GATO

 Hoxe, no tempo do recreo lemos o conto de "Pete, o gato", de Eric Litwin. Un gato que a pesar dos problemas, nunca perdía a alegría nin as ganas de cantar. Pasámolo moi ben!

CONTAMÉRCORES: NON QUERO SER UN POLBO!

 O mércores 13 de novembro, dúas rapazas de 2º de Primaria fixéronnos pasar un tempo estupendo coa historia "Non quero ser un polbo", de Francesca Chessa.

Elas mesmas fixeron monicreques e representaron ese conto de marabilla.

Parabéns! Seguro que serán unhas contacontos profesionais!

CONTACONTOS DÍA DA BILIOTECA

 Comezamos cos nosos contacontos á hora do recreo. Para celebrar o Día da Biblioteca, lemos "La bibliotecaria de Basora", de Jeanette Winter. Unha fermosísima historia baseada nun feito real.

Na guerra de Irak, alguén decide poñer a salvo o que considera o maior tesouro: os libros.

            

CONTAVENRES: "UN GRAN SOÑO"

 Hoxe, penúltimo día dos contacontos, Daniela e Zoe leron "Un gran soño", de Felipe Ugalde. Con esa historia fóronnos explicando como se formou a constelación do crocodilo.

Fixérono moi ben, con moito entusiasmo e mesmo tiveron un enorme crocodilo ao seu lado.

Merecen grandes felicitacións.

Parabéns!

Moitas grazas, artistas!

CONTAVENRES: "CUANDO UN ELEFANTE SE ENAMORA"

 Hoxe, un grupo de alumnas de 4º de Primaria (Daniela, Claudia, Zoe e Martina) leron e escenificaron "Cuando un elefante se enamora", de Davide Cali. Había que ver todo o que era quen de facer aquel pobre elefante por amor.

Unha historia moi simpática, moi ben lida e moi ben escenificada (con pombas de xabón incluídas). Aquí temos, de seguro, unhas contacontos profesionais en pouco tempo.

Parabéns e moitas grazas!

CONTAVENRES: "SACAPENAS"

 Esta vez, Eva e Ainoa leron "Sacapenas", de Anthony Browne.Amosáronnos como noutras culturas hai uns pequenos bonecos que axudan a que as preocupacións non nos impidan durmir; son os "sacapenas".

Fixérono moi ben e mesmo entregaron algúns deles para que o alumnado asistente á lectura puidese velos e tocalos.

Moitísimas grazas por tan boa lectura, rapazas!

 

CONTAVENRES: EL MONSTRUO DE LOS ABRAZOS

 Sabiades que cando alguén se enfada, pode chegar o monstro dos abrazos e fai que todo volva estar en paz.

Isto é o que nos contaron hoxe co libro "El monstruo de los abrazos", de Andrea Schomburg, Zoe e Claudia, de 4º de Primaria.

Rematamos dándonos todos unha aperta. Foi estupendo!

Moitísimas grazas!!

CONTAVENRES: "EL LADRÓN DE LAS PALABRAS"

 Hoxe, Laura, Ainoa, Daniela, Noa e Lucía, léronnos "El ladrón de las palabras", de Nathalie Minne. Descubríronnos que as palabras poden ser moi, moi fermosas e que as necesitamos para vivir cos demais.

Foi unha lectura estupenda.

Moitísimas grazas, mozas!

CONTAVENRES: "EL OTOÑO DEL ÁRBOL CASCARRABIAS"

 Esta vez dúas alumnas Vera e Marta, de 2º de Primaria léronnos "El otoño del árbol cascarrabias", de Jordi Sierra i Fabra. Fixérono como unhas auténticas contacontos e aplaudíronlles moito.

Esperamos que pronto nos lean outra historia.

Moitas grazas!

CONTAVENRES: "PACO TROLAS"

 Loli leu hoxe "Paco Trolas", de Roberto Aliaga. Un conto moi divertido que gustou a todos os que estaban na Biblioteca.

Pasámolo moi ben e rímonos moito.

CONTAVENRES: "O PITO CAIRO"

 Hoxe, o protagonista da nosa historia resultou ser un pitiño moi especial.

Entre todos e todas, berramos alto e forte o que o pitiño dicía no conto: "kikirikí, as miñas moedas quéroas aquí!!" e resultou moi, moi  ben.

Contamos coa axuda inestimable de Carlitos, que non quixo separarse do libro.

 

O PITO CAIRO

CONTAVENRES: "NICOMEDES O PELADO"

 Esta vez  dúas alumnas de 2º de Primaria compartiron connosco a lectura de "Nicomedes o pelado", de Pinto &Chinto.

Fixérono como verdadeiras profesionais e desde aquí só podemos dicirlles unha e outra vez: Bravo! Sodes unhas artistas!

Moitísimas grazas!

CONTAVENRES: "LOBO FEROZ"

 Hoxe contamos a historia "Lobo Feroz", de Patacrúa, coa que rimos un pouco e caemos na conta de que hai lobos que máis que feroces son un pouquechiño papans.

Pasámolo moi ben e disfrutamos moito.

CONTAVENRES: "TRES HAN DE SER"

Hoxe tocoulle o turno ao texto "TRES HAN DE SER" de Darabuc,  lido por alumnas de 3º de EP. Foron moi aplaudidas por todos e todas os que o escoitaron.

Desde aquí dámoslles as grazas e animámolas a seguir contando historias.

Grazas!

 

 

CONTAVENRES: "O GALO KIRIKO"

 Esta vez, dúas grandes lectoras de 3º de EP, contáronnos o clásico "O galo Kiriko". Elas fixérono de marabilla e toda a rapazada prestou moitísima atención.

Esperamos que sigan facéndonos gozar coas súas lecturas.

Moitas grazas, rapazas!

CONTAVENRES: "BONITAS"

 

Para ter presente os estereotipos que temos de xénero, un grupo do alumnado de 4º de EP, representaron a historia de "Bonitas", un texto de Stacy McAnulty. Ao rematar, todo o grupo interpretou un fragmento da canción "Pégale a la pared", de Reily Barba.

 

CONTAVENRES: "VACAS NA CIDADE"

 Esta vez Noa, Antía e Ana, de 6º de EP, fixéronnos pasar un tempo moi divertido coa lectura de "Vacas na cidade?", de An Alfaya. 

Grazas, mozas! Sodes estupendas!

CONTAVENRES: "LA PRINCESA QUE QUERÍA ESCRIBIR"

 Retomamos os nosos "contavenres", esta vez da man de Ángela e Daniela, dúas alumnas de 6º de Primaria que quixeron compartir con nós a lectura de "La princesa que quería escribir".

Este texto de Beatriz Berrocal fálanos da importancia de perseguir aquilo no que cremos, de que ser e/ou pensar diferente non é ningún problema.

Daniela e Ángela fixérono moi, moi ben, con moito sentimento.

Grazas, rapazas!

 

CONTAVENRES: "RITA"

 Este venres, Noa, Ale, Eva, Lucía, Martina e Silvia, alumnas de 3º de Primaria, contaron "Rita", de Chaundler Rachel, unha historia que nos fala dunha bolboreta un pouquiño imprudente que por non escoitar ás demais pasou un pequeno apuro. Menos mal que sempre hai alguén disposto a botar unha man! 

Prepararon debuxos, escenario e fixérono moi, moi ben. Dámoslles a noraboa e dicímoslles que sigan así, que son unhas contacontos fenomenais.

Grazas!

CONTAVENRES: "A CABRA BOBA"

 Hoxe, Laura, Ainoa, Adriana, Miriam, Lucía e Karla, fixéronnos pasar un tempo moi divertido coa lectura de "A cabra boba", de Pep Bruno. Fala dunha cabra que aparece subida a un tellado despois de buscala por toda a aldea e que conseguen levar ao seu sitio ofrecéndolle o que máis lle gusta.

Lérono e contárono moi ben, utilizando tamén uns monicreques que elas mesmas fixeron. Son unhas artistas!

Moitas grazas, mozas!